Д-р Моника Ангелоска-Дичовска е редовен професор од областите менаџмент и бизнис на Економскиот факултет – Прилеп при Универзитетот „Св. Климент Охридски“ – Битола, Р.С. Македонија.
Таа е раководител на Центарот за професионални обуки и кариерен развој при Економскиот факултет – Прилеп, како и претседател на Уредувачкиот совет на Македонското научно друштво – Битола.
Предава повеќе предмети на прв, втор и трет циклус на студии на Економски факултет - прилеп, меѓу кои: Вовед во бизнис, Бизнис планирање, Иновациски менаџмент, Лидерство и организациски промени, Корпоративни иновации и меѓународен бизнис, Стратегиски менаџмент и др.
Има објавено бројни научни и стручни трудови во земјата и во странство. Автор е на универзитетскиот учебник „Иновациски менаџмент“, Економски факултет – Прилеп, 2024 година, како и ко-автор на монографијата „Цируларна економија: глобален концепт на одржливост“, Македонско научно друштво - Битола,2023.
Проекти
Има искуство во управување со национални и европски проекти, како што се:
- „HEI Student Internship in NGOs – towards a functional bridge across WB“ во рамки на WEB4YES (2019–2020), поддржан од ЕУ;
- „OMEGA – Young Female Entrepreneurs Stepping into the Digital Age“, Партнерство за соработка во областа на младите (2022–2023), поддржан од ЕУ;
- Младинска зелена агенда”, 2022, поддржан од Агенција за млади и спорт на РСМ , и други.
Исто така учествувала како експерт на повеќе европски проекти, меѓу кои:
- NanoBioTech Nexus project, поддржан од ЕУ, спроведуван од Универзитет Св.Климент Охридски Битола;
- Претприемништво за сите/Entrepreneurship for All-E4ALL“, на модулите: Вовед во претпримеништво и генерирање на идеи и препознавање на можности. Оваа иницијатива е поддржана од УСАИД, организирана од „Здружение за развој на ромската заедница СУМНАЛ;
- Developing Routes of Europe’s future through non-formal learning with Active youth Members, (D.R.E.A.M.LAND), Erasmus+ Programme KA3, ERASMUS-YOUTH-2022-TOG-LOT2-"European Youth Together" Grant Agreement;
- A knowledge Alliance in Eco-Innovation Entrepreneurship to Boost SMEs Competitiveness “SMecoMP”, Smecomp Interreg Balkan – Mediterranean, Faculty of Economics, Prilep and Agency for Promotion of Entrepreneurship in Republic of North Maceodnia, 2019;
- помлад истражувач во меѓународниот проект „Евалуација на задоволството на корисниците и влијанието од услугите на е-влада во Македонија и Словенија“ (Економски институт при Универзитетот „Св. Кирил и Методиј“ – Скопје, Република Македонија и Факултет за менаџмент при Универзитетот на Приморска, Копер, Република Словенија, 2013), и други проекти.
Проф. Ангелоска-Дичовска има и искуство во подготовка на јавни политики, економски анализи и препораки за политики, како надворешен експерт во рамки на проектот „Зајакнување на придонесот и ефикасноста на граѓанските организации од женското претприемништво кон реформите за ЕУ интеграција во областа на економската политика – WE-Contribute“, реализиран од Асоцијацијата на бизнис жени на Македонија, Фондацијата МИР и Иницијативата ГТФ за одржлив раст – Хрватска (2018), како и во локални проекти поврзани со Општина Битола.
Работи и како евалуатор на бизнис планови и проектни апликации.